影片
更多
2012-01-06
226 浏览
铜锣湾登龙街新翠华嘅炭烧煲仔饭，早已闻名，可惜一直都未有机会尝试；至于北角渣华道市政大楼嘅新翠华，听好友讲，水准一般，楼面伙计虽与登龙街一样，但听闻厨房嘅主理人并非登龙街嘅明哥，所以一直都提不起兴趣；今天，好友专程叫埋我去筲箕湾东大街嘅新翠华试菜，终于有机会一尝明哥嘅手势。虽然新翠华嘅地址喺筲箕湾东大街40A东兴大厦地舖，但实际位置并唔喺东大街入面，如果你身处东大街中间嘅天后庙，只要背著天后庙向前行，穿过一个公园仔后，左手边就系新翠华；如果你搭港铁，就更加简单，喺筲箕湾站B2出口，上咗地面后，再向前行两、三个舖位就到，并唔难揾。眼见新翠华招牌上嘅「华」字，贴有一张红纸，本以为此店刚开业不久，及后听明哥讲，原来此店已经开业差不多一年，登龙街店于2010年年中结业后，于同年年尾，明哥就喺筲箕湾东大街开咗此店，继续其煲仔饭生涯，正如舖面所写「煲仔饭返嚟啦」；至于点解个「华」字会贴上红纸呢？原来新翠华收到翠华嘅律师信，要求改名，因其名称类同，有盗用或影射之嫌，明哥为免麻烦，所以决定改名为「新翠雅」；其实新翠华与翠华都存在了一段长时间，正所谓「河水不犯井水」，大家各有各做，但为何时至今日，大财团
虽然新翠华嘅地址喺筲箕湾东大街40A东兴大厦地舖，但实际位置并唔喺东大街入面，如果你身处东大街中间嘅天后庙，只要背著天后庙向前行，穿过一个公园仔后，左手边就系新翠华；如果你搭港铁，就更加简单，喺筲箕湾站B2出口，上咗地面后，再向前行两、三个舖位就到，并唔难揾。
眼见新翠华招牌上嘅「华」字，贴有一张红纸，本以为此店刚开业不久，及后听明哥讲，原来此店已经开业差不多一年，登龙街店于2010年年中结业后，于同年年尾，明哥就喺筲箕湾东大街开咗此店，继续其煲仔饭生涯，正如舖面所写「煲仔饭返嚟啦」；至于点解个「华」字会贴上红纸呢？原来新翠华收到翠华嘅律师信，要求改名，因其名称类同，有盗用或影射之嫌，明哥为免麻烦，所以决定改名为「新翠雅」；其实新翠华与翠华都存在了一段长时间，正所谓「河水不犯井水」，大家各有各做，但为何时至今日，大财团就要欺压小老板，迫令其改名，否则将告其侵权，是否有钱嘅，就可以欺压无钱嘅，又或是「可以共患难，唔可以共富贵」呢？讲返今晚嘅菜色，全权交由好友发板；先来嘅系胡椒猪肚花甲（$78），当伙计奉上枱时，已有一阵浓烈嘅胡椒味，相当吸引，虽然卖相普通，但锅内食材都颇丰富，汤底呈奶白色，呷了一口，除了胡椒嘅辣味外，仲有少少酸味，无错，系酸菜嘅味道，大辣中带少酸，胡椒辣味虽浓，但绝无盖过酸菜嘅酸味，份量调配恰当；猪肚与花甲份量适中，猪肚爽而不靱，只可惜花甲偏细，唔够咬口，若能用上大只些嘅花甲，相信更能增加汤嘅鲜味；汤底仲有粉丝，尽吸汤嘅精华，唔错；因今晚天气颇冷，用不锈钢煲上枱，所以好快就凉了，汤唔够热，就唔好饮，若转用砂锅或加个炉头座热，相信会更加滋味。
铁板八爪鱼（$78），顾名思义，当然系用铁板上，上枱时，热腾腾，洒洒声，烽烟四起，火喉十足，一大碟八爪鱼夹杂著洋葱和青葱，颇惹味，急不及待，夹了一口八爪鱼，咦，好似比较靱，再夹多一件试真d，都系靱，我哋相信八爪鱼应该煮得过火，所以太靱，反而洋葱和青葱则没有过火的情况，够惹味，非常吸引。
跟著，就来香辣鸡煲（$100半只），呢个鸡煲就有炉头跟上，老板娘仲亲自为我哋奉上，叫我哋唔好打开煲盖，转头会帮我哋「翻一翻」，并强调此鸡煲不需加水烹调，烹熟后，自然会有汁挤出来；转过头，老板娘就过来为我哋「翻一翻」，一打开煲盖，一片青绿，亦闻到一阵青葱味，隐约中亦闻到一阵辣香，不过并唔强烈，老板娘拿起筷子，翻了一翻，辣味顿然蜂拥出来，非常吸引惹味，老板娘再次将煲盖盖上，叮嘱我哋等多两分钟才可食；我哋一边倾，一边等，不经不觉，过咗两分钟都唔知，老板娘见我哋仲未打开煲盖，专程走来看过究竟，煲盖打开，果然非常惹味，一阵浓烈嘅辣香，随著热气涌出，见煲底的确有d汁，唔觉得太干身；夹了一件，入口惹味，除了辣味外，仲有一点沙嗲味，够香口，只可惜鸡肉唔够滑，有些嚡，可能刚才焗得太耐所致；因为我哋选择少辣，所以明哥刻意加多些沙茶酱，我个人觉得唔错，几香口惹味，但同行友人则比较喜欢原本嘅辣味，相信会比较爽劲，可以食到真正辣鸡煲嘅风味。
今晚嘅主角出场啦，一个系新出品，南瓜墨鱼饼饭，另一个系最传统嘅鸳鸯肠饭；伙计先后放低两个煲，打开盖后，淋上明哥秘制黑酱油，再盖上煲盖，焗多两分钟就食得，今次我哋睇准时间，搭正两分钟就打开煲盖，避免「过火」情况再次发生；明哥秘制嘅黑酱油，呈深黑色，比一般嘅豉油杰身，咸度适中，微甜，与煲仔饭非常匹配；至于米，系采用青灵芝泰国香米，明哥话多年来都系向同一米商订米，曾经试过向其他米商订米，就算系同一牌子，但始终都不及原本𠮶间米商交来的香软，呢一份系明哥嘅坚持；新翠华嘅煲仔饭，另一特色，当然系炭烧，意思系以瓦煲盛米，再以炭炉将生米煮成熟饭，瓦煲嘅特点在于煲面多气孔，受热均匀兼通气，加上炭炉嘅炭火，令煲内嘅白饭，加添一份炭烧味，至于饭焦嘅效果，则要视乎师傅嘅功力啦。
先试鸳鸯肠饭（$50），润肠、腊肠各三条，几乎把整个煲面遮著，哈哈，新翠华嘅腊肠和润肠，均非自家制，但绝非一般货色，两者都是粗身短少，不油腻但极香，有嚼头但唔靱，好食；至于饭身，够干身，够饭香，粒粒分明，加上腊肠嘅油份和秘制酱油，令饭更香、更滑，非常好食。
至于南瓜墨鱼饼饭（$55），系明哥今年嘅新作，听闻明哥不时都会谂些新菜色，令食客百吃不厌，呢一份创新嘅心思，实在令人欣赏，值得嘉许；今年除咗南瓜墨鱼饼饭之外，仲有上海黄鳝饭，但我哋人今晚人数唔多，所以只试食南瓜墨鱼饼饭；相比之下，南瓜墨鱼饼饭嘅饭身唔够干，连饭香都有所不及，相信是缺少了腊肠嘅油香的关系，至于干身嘅问题，好友相信是由于墨鱼饼本身有水份，所以于烧饭过程中，令煲内水份增加，所以影响了饭粒嘅干身程度，若果可以加长些少烧饭时间，相信必定有所改善；至于墨鱼饼，明显地见到白中带黄，但南瓜味侧欠奉，而且唔够弹牙，未知是否加了南瓜蓉的关系，令原本应该弹牙嘅墨鱼饼欠缺应有的弹性，咬感不足，颇失色。
两煲饭，高下立见，不消五分钟，鸳鸯肠饭已给我哋四人一扫而空，饭焦更加是兵家必争之地，由于是炭炉瓦煲煮的关系，饭焦拥有一种独特的炭烧味，加上明哥功夫了得，令饭焦焦而不㶶，入口香而不苦，醮上明哥嘅秘制酱油，简直系极品。
最后，明哥送上嘅，并唔系什么甜品，反而系一碟黄金凉瓜，我哋四人，八目交投，大家都未敢轻举妄动，只因大家都已有八成饱，望著一碟炸物，大家又岂会食指大动；倾吓，坐吓，又倾吓，终于有人夹起一件凉瓜，吃了一口，「好食㖞」，突然间，大家都被这一句「好食㖞」吸引，每人夹了一件，战战兢兢地放入自己的嘴巴里，果然好食，入口并唔油腻，亦没有苦涩味，仲非常香口，凉瓜相信系泰国凉瓜，所以并唔觉苦，带有少少甘味，明哥用牛油推开咸蛋黄，再落锅炸香，外脆内软，咸蛋黄嘅外皮，微咸、香口，入面嘅凉瓜唔太稔，有咬感，少少爽，的确好食，有点似食天妇罗青瓜嘅咬感，分别只在于前者是醮咸蛋黄，而后者则醮炸浆；一件又一件，大家由当初你眼望我眼，至今食过不停，足以证明此碟小食确实吸引好食，绝对值得推介。
我哋四人与明哥和老板娘边食边倾，不经不觉已坐咗两个钟，向明哥和老板娘谢过后，我们亦告别离去；席间，见不少客人都系熟客，明哥和老板娘亦忙于招呼，可想而知，新翠华嘅水准应有一定水平。今晚最大的惊喜，就是黄金凉瓜，至于煲仔饭，尤其是鸳鸯肠饭，亦有一定水准，友人更谓绝对不逊色于登龙街时，而且价钱相宜，大部份煲仔饭都只卖$50，最贵的，都只是$65，其他小菜亦大部份索价$50一碟，海鲜类则索价$68至$78，平均每人消费应不会超过$100，经济实惠。
张贴
