The Grill Room (銅鑼灣廣場二期)

食过几次印象中系随意叫都好食嘅高质西餐，发现新店menu唔同左，美味依然。炭烧美国16安士USDA安格斯肉眼香气扑鼻、份量十足。 切开嫩红有肉汁，牛味同炭烧香味都好足。 除左表面有微微焦香，钟意安格斯肉眼带有少少肥膏，好香口。 side dish脆新薯都系一绝，软滑有薯香，重点系香草柠檬忌廉汁creamy浓厚，系我食过最好食嘅side dish。红椒汁煮青口伴蚬大通粉几乎每台都有，红椒汁非常香，酸酸甜甜又有红椒独有香味，净系靠个汁已经食唔停口。 青口同蚬都好新鲜，仲有肉肠粒提味，用料十足。