丸亀製麵 (荃灣廣場)

营业中

休息中

丸龟制面之前都食过唔少次，而今次特登帮佢写过食评，并唔系因为之前冇写嘅关系，而系因为第一次叫咗佢个炭烧鸡肉温泉蛋乌冬，竟然比到我一个惊喜嘅感觉。佢个炭烧鸡肉温泉蛋乌冬，佢会问你要唔要辣汁，佢个辣汁并唔系平时食开啲餐厅嘅辣椒油啊、辣椒酱等嘅味道，而系似系啲日本式自家制嘅辣椒酱汁，感觉都几惹味。另一方面，佢个温泉蛋搅匀后捞落佢个乌冬系几好食，配埋佢个炭烧鸡肉粒同侧边啲紫菜丝，感觉上都系一个几夹嘅乌冬，我唔识讲佢系一个汤乌冬定系一个酱汁捞乌冬，因为佢个酱汁比例话多唔多话少唔少，所以食到最后都会几觉得几咸。另外我仲叫咗个小食，炸茄子，茄子最正嘅就系佢本身朔油嘅特质，所以十几蚊嚟讲佢真系算好好食（虽然好肥哈哈）食个几饱嘅乌冬加个茄子都系60几蚊埋单，我觉得都几平靓正㗎，有机会嘅话会再叫！