影片
更多
2021-03-28
3135 浏览
朋友知我一向爱去茶记，推荐我试吓「四宝食堂」，不过，时间过吓过吓，无咗回事，亦完全忘记咗。早前，过嚟搞啲保险嘢，见到「四宝」就醒番起，今晚就喺专登约个旧同学聚一聚，食餐茶记便饭。 简洁嘅餐厅门面睇落好醒神，室内打横长形，主色调用上湖水绿，加上光鲜整洁，清爽舒服，霎吓眼仲有种优雅咖啡店嘅感觉，而唔似茶记。见到有食客食完，店员除收拾餐具外，仲会喷洒消毒剂清洁枱面，更感餐厅注重卫生。 虽然话喺茶记，睇完主餐牌就有种非一般茶记嘅感觉，因为，唔单止见惯见熟嘅港式嘢，如小食、炒粉饭面、小炒，仲有薄饼、滑蛋盖饭、特色拌面……等等。 另外，仲有一纸底面两页嘅晚餐，一面喺晚市常餐，另一面喺小炒晚餐，但要留意，后者话就话叫喺晚餐，但餐汤、白饭、饮品均要加钱另配，咁……就唔叫得喺餐㖞！ 港式什扒 $98友人喺食肉兽，所以，一早就睇中啲扒餐，选呢一款有鸡扒、薄牛扒、火腿扒、司华力肠嘅港式什扒，佢话有啲缅怀感㖞。配埋薯角，果然喺大堆头，食到佢话好饱，质素亦都唔错，见条司华力肠鎅晒花，都俾高少少分。不过，佢话兜黑椒汁又唔使俾到咁大碗，此外，如能以铁板上就更有感。 喜哥葱油猪扒煎蛋饭 $62呢款喺朋友推荐我试，话块
简洁嘅餐厅门面睇落好醒神，室内打横长形，主色调用上湖水绿，加上光鲜整洁，清爽舒服，霎吓眼仲有种优雅咖啡店嘅感觉，而唔似茶记。见到有食客食完，店员除收拾餐具外，仲会喷洒消毒剂清洁枱面，更感餐厅注重卫生。
虽然话喺茶记，睇完主餐牌就有种非一般茶记嘅感觉，因为，唔单止见惯见熟嘅港式嘢，如小食、炒粉饭面、小炒，仲有薄饼、滑蛋盖饭、特色拌面……等等。
另外，仲有一纸底面两页嘅晚餐，一面喺晚市常餐，另一面喺小炒晚餐，但要留意，后者话就话叫喺晚餐，但餐汤、白饭、饮品均要加钱另配，咁……就唔叫得喺餐㖞！
港式什扒 $98友人喺食肉兽，所以，一早就睇中啲扒餐，选呢一款有鸡扒、薄牛扒、火腿扒、司华力肠嘅港式什扒，佢话有啲缅怀感㖞。配埋薯角，果然喺大堆头，食到佢话好饱，质素亦都唔错，见条司华力肠鎅晒花，都俾高少少分。不过，佢话兜黑椒汁又唔使俾到咁大碗，此外，如能以铁板上就更有感。
喜哥葱油猪扒煎蛋饭 $62呢款喺朋友推荐我试，话块猪扒劲大又松化，所以，就投其一票。哗！又果然真喺好大块，而且几厚身吓，冚晒成个饭面，的确，啲猪扒煎得甘香，咬落质感松化富肉汁，不愧喺店家嘅招牌推介菜之一；更俾咗好多葱油，而太阳蛋煎到蛋黄荡吓荡吓，啱晒我，蛋黄葱油捞饭，一流呀喂。
热奶茶 +$5我个饭喺散点，唔包嘢饮，嗌热饮或餐汤就要加$5。热奶茶喺去茶记嘅一贯心水，呢度嘅奶茶都唔错，有茶香，唔单薄，口感亦算滑。 而友人就要咗冻柠茶少冰少甜，果然喺少冰少甜，兼够多柠檬。
啲阿姐招呼都几好，地方又卫生整洁，唔知喺咁啱定喺店家嘅一贯服务要求，我哋所点嘅主食，都喺同步送上枱，有别一般茶记有咩出咩，呢个亦喺加分位。
张贴
