大小姐冰室

营业中

休息中

今日去左炮台山食下午茶，冰室環境寬敞，白色牆身拼木系枱櫈，光猛整潔，仲有幾枱室外位。下午茶選擇有炒粉麵飯、招牌咖喱、海南雞、熱狗西多，每個餐都送熱飲，轉特飲只須加$9。日式鰻魚叉燒炒飯：鰻魚肉質嫩滑，配料有叉燒、生菜絲、蔥花，飯炒得乾身，粒粒都被鰻魚汁均勻包圍住，色香味俱全。招牌咖喱牛腩飯：咖喱醬汁味道濃郁，牛腩炆得軟腍，薯仔亦煮得相當入味，帶出辛辣與惹味既層次感。華田西多士：炸至金黃色，外脆內軟，內層夾滿花生醬，面層就鋪滿華田碎，切開時睇住半溶既煉奶湧出來，啖啖香甜，味蕾超級享受。爆珠雜果賓治：調配得恰到好處，加左爆珠，口感脆卜卜，好有驚喜。華田暴龍脆脆：華田脆脆香濃可口，阿華田迷不可錯過。總結，食物好味，出餐快，價錢合理，抵食又滿足。