可可豬海南雞專門店 (寶榮大廈) (已結業)

炮台山美食🐷蒜泥白肉蒜泥白肉份量适中，唔算太多，但每一旧肉都好大旧。虽然望落好似唔系好多蒜泥，但食落每一啖都有好浓嘅蒜味！🐔日式胡麻酱手撕鸡冷面本身一打开见到得啲生菜同车厘茄，以为佢比错咗沙律我，但其实生菜下面系有面的！胡麻酱冷面系属于夏天嘅食物，因为佢冰冰凉凉十分消暑！胡麻酱同手撕鸡亦都十分夹。啲面同手撕鸡都几多，食完好饱！🐔香辣口水鸡配白饭口水鸡好滑，食落一啲都唔鞋，非常高质！除咗好滑之外，啲鸡仲要冇骨～口水鸡酱好香，一开头食嘅时候唔会觉得好辣，但佢后劲好强，越食越辣！🍹金罗汉果养生茶你杯嘢饮真系好似个名咁咁养生，除咗有罗汉果之外，仲有杞子、菊花同陈皮。饮落唔算太甜。🍹热情丰盛呢杯嘢饮系热情果茶，饮落都几甜，热情果味好出。