影片
更多
2021-11-22
1119 浏览
星期六同朋友去近嚟新开嘅东岸公园游逛吓，顺路食晏。我哋由炮台山站出发，行经见到「茶东西」门面几掂，嘢又啱食，加上有人排紧队，心谂应该唔差，就一于排埋一份🙈。餐厅装修几靓✨，如果斋睇环境会以为佢系Cafe，四周围都挂上卡通漫画，而且色彩缤纷。不过坐落又觉得佢同港式茶餐厅无太大分别🇭🇰，因为餐枱同座位之间都几逼。我会形容呢度系新派茶记🥢，即系佢有提供传统茶餐食物，例如有通粉同多士等，但就无炒粉面饭同小菜食，不过相反地西式食物选择就唔少。另外，留意返餐厅每个时段卖嘅嘢食都唔同，就比如说午餐过咗两点半就无得食。卡邦尼意粉($42)，意粉大大碟🍝，唔系马后炮，其实净系见个卖相都觉得唔错。意粉煮得爽口弹牙，完全唔似茶记出品。卡邦尼汁亦好有水准，浓而不腻，重蛋味🥚，而烟肉则带来咸香。邪恶咸蛋酱炸鸡髀配美式粗薯条($35)，🍗鸡髀薯条绝对系下午茶代表。鸡髀好厚肉，并炸至外脆肉嫩，而且配合埋咸蛋黄酱💛，真系邪恶到不得了。薯条以外仲有啲沙律菜，发挥中和作用。双层芝士安格斯牛肉汉堡($52)，🍔汉堡包好巨型，入面夹住双层安格斯牛肉汉堡扒、芝士同蕃茄菜，一手揸唔晒，好足料！汉堡扒肉味几浓，并混入洋葱粒，唔干身
星期六同朋友去近嚟新开嘅东岸公园游逛吓，顺路食晏。我哋由炮台山站出发，行经见到「茶东西」门面几掂，嘢又啱食，加上有人排紧队，心谂应该唔差，就一于排埋一份🙈。
餐厅装修几靓✨，如果斋睇环境会以为佢系Cafe，四周围都挂上卡通漫画，而且色彩缤纷。不过坐落又觉得佢同港式茶餐厅无太大分别🇭🇰，因为餐枱同座位之间都几逼。
我会形容呢度系新派茶记🥢，即系佢有提供传统茶餐食物，例如有通粉同多士等，但就无炒粉面饭同小菜食，不过相反地西式食物选择就唔少。另外，留意返餐厅每个时段卖嘅嘢食都唔同，就比如说午餐过咗两点半就无得食。
卡邦尼意粉
$42
48 浏览
0 赞好
0 留言
邪恶咸蛋酱炸鸡髀配美式粗薯条
$35
30 浏览
0 赞好
0 留言
双层芝士安格斯牛肉汉堡
$52
29 浏览
0 赞好
0 留言
北海道日式豚肉饭(+$10)，嗌部份下午茶餐可加$10配轻量装食物，但睇吓图中嘅饭咁大碟，你敢相信系轻量嘛？🍛咖哩饭几惹味，偏向日系风格，但亦不乏辣香，不过豚肉就失咗踪。
北海道薯仔沙律(+$10)，我本身以为佢系球状𠮶种薯仔沙律🥔，但原来似蟹籽沙律多啲，不过走蟹籽，哈哈。沙律由薯仔粒、青瓜粒、红萝卜粒同蟹柳所组成，冻冻的，微微酸，颇开胃。
饮品方面，我哋嗌咗冻柠茶同冻奶茶，冻饮加$3，大杯嘅，但无嗌少甜就真系好甜😫。
总括嚟讲，呢间小店咁高人气唔系冇原因，佢确系出色嘅😛，而且价钱仲好贴地添，人均消费好难会过$50啰！最后，服务态度就普通啦，不要期望太多。
张贴
