小魚兒 (金馬大廈)

营业中

休息中

今次去呢間食烤魚火鍋既店香港我諗比較小D，大陸就相對會多d，如果大家係對北上食魚有興趣，咁呢間唔洗出境都可以食到啦😁佢點餐雖然有點餐紙，但佢係比QR code我地落單既，我地就揀左食江團魚（$348）口味就揀左古鎮水碼頭毛血旺（+$108），條魚佢就係原條咁樣放係個爐上，小辣小麻我覺得都夠，條魚我地3個人食都好夠，肉又夠滑同埋佢係得中間條大骨，驚食魚會食到骨既朋友都唔洗驚，因為係好易夾到d肉出黎食‼️ 側邊既牛柏葉，鴨血，魷魚等等夾埋就係叫做毛血旺，唔知咩叫毛血旺既朋友就要清楚呢d配料要揀毛血旺先會有‼️配料方面我地叫左炸響鈴（$48），金針菇（$36），萵荀（$48），呢幾樣配料就冇咩特別我就唔多講，就係一般火鍋店咁既質素👌🏻而有一個配料我自己非常鐘意，就係炸午餐肉粒（$68），呢個當小食就咁食又得，放落去個鍋煮又得，呢d炸左既午餐肉放落湯輕輕一浸，脆卜卜又索埋d湯既辣味，口感同味道真係好有驚喜🤩 平時火鍋店通常都係就咁一片片叫，呢個好特別，極力推介，同埋佢都要時間炸，所以最好一開始就連埋條魚叫，後加會等得比較耐‼️我地有用openrice訂座所以今次有9折，佢唔同時間既訂座都有唔同折扣，