醒辰冰室 (東匯坊) (已結業)

第一次去醒辰系食肉眼扒，虾多士 同 邪恶拉丝猪扒。肉眼扒非常韧，无下次。虾多士十分香脆，如果食唔惯大油大炸嘅人会觉得有d过火（我就系，但我老公食得好开心）。芝士拉丝猪扒喺因为听到就黎冇晒所以加点既，本身食紧既牛扒唔好食所以谂住试多样野俾个机会，点知有惊喜，三十靓蚊有哩个size 嘅芝士猪扒我觉得值，从此对佢地既炸野有好感。第二次去喺买外卖（因为夜晚禁堂食），老公叫炸鱼薯条，跟餐既话有野饮同汤但系贵$20，所以无叫餐，我就要左飞他她（意式烟肉菠菜蛋饼配沙律）。返到屋企即刻开盒惊个炸鱼淋，点知食落完全无事，依然香脆抵赞！薯条就普普通通淋淋地…至于个蛋饼我认为对一个女仔黎讲份量系啱啱好，个饼大概一个手掌大，但系非常厚身，我磅过有成200gram😆, 里面除左烟肉菠菜仲有大量蘑菇（唔睇返张单我以为叫左蘑菇蛋饼🤣🤣）我偷点炸鱼个他他汁，好好味，可以返兜！