東記上海麵

营业中

休息中

今日路经大埔，就带大大试吓久仰大名既东记，顺便比自己怀旧一番。餐厅设计怀旧，墙身八角形加正方形瓷砖，贴有昔日香港怀旧照。重有绿色霓虹灯招牌，绿色折叠闸门。店唔算好大，采用深啡木质枱同櫈，好似小时候一样。佢用既餐具都系细个𠮶阵既泥黄色胶碗、胶羹，更添风味。墨鱼条、猪扒上海粗面面条唔算多，但够滑。猪扒腌得好入味，炸粉薄，香脆可口，咬落去猪扒超级Juicy。墨鱼条即制，外脆内层弹牙，两个𩠌都正，食完好饱。鸡翼、墨丸上海粗面面条唔算多，但够滑。墨丸大粒弹牙，鸡翼好食到一个点，炸粉薄，外层香脆可口，内层鸡肉超滑嫩多汁，食完好满足。竹笋（追加）竹笋份量唔少够爽脆。奶茶香滑茶浓，好饮。