金子半之助 (新都會廣場) (已結業)

最钟意食炸物，但要炸得干身、食材熟度啱啱好，系一件唔易嘅事！葵芳金子半之助日式餐厅令我大开眼界，虽然等上餐时间唔快，但觉得好值得等，因为实在太好味！今次拣咗上天丼和车海老软壳蟹天丼，见到炸物又高又多，遮哂所有饭，真系忍唔住打卡。餐厅空间颇大，配合开放式厨房，可以睇大厨点处理炸物！而且座位之间都够阔落，出入无咩问题，加上每枱都有胶板隔住，私隐度够高。套餐仲有渍物(腌萝卜及姜片)，超开胃；另外仲有味噌汤，唔咸又够热；店员仲递上黑豆麦茶，茶叶浓又唔苦，口感厚醇。上天丼 HKD 118食材包括车海老、白新鱼、小柱鱿鱼天妇罗饼、海苔、荚豌豆同温泉蛋！白新鱼鱼味几足，肉质好滑又够厚肉，外脆内滑，好特别！整体炸物都系炸得干身、无「油益味」；而且炸物好薄身，好足料！车海老软壳蟹天丼 HKD 168材料好丰富，觉得呢个价钱真心抵食！食材包括车海老、软壳蟹、小柱鱿鱼饼、荚豌豆、海苔，仲有只温泉蛋。笃穿温泉蛋再捞埋饭食，识食一定咁食。先食车海老，虾劲长又厚肉，肉质紧致又弹牙，炸虾无咩可以挑剔；软壳蟹好厚肉又有蟹膏，食落外脆内软滑，鲜味、蟹味浓郁；最觉得特别系小柱鱿鱼饼，估唔到咁厚肉嘅鱿鱼，肉质咁滑又弹牙，熟