銀座梅林 (已結業)

饿到傻三人组，在出席完好友婚礼后，在等待影相既同时，已用手机上网找食，及后，随即飞的到K11找食！ 可能过左食Lunch时间，或K11根本无咩人流，去到即刻入座，亦急不及待既Order一人一个定食。 呢度既定食，主食配珍珠米饭一碗、白面豉汤、一大堆椰菜丝及前菜一碟。椰菜丝可配西柚或Wasabi味既Salad dressing。呢度既Salad dressing都系用酱油调配，所以偏重咸味，少清爽酸味，与朗豪坊既近又相比，呢度既salad dressing比较逊色。 吉列大虾定食：有虾味，但虾唔够爽。虾身比例奇怪，虾长身但唔粗身，唔扑吉列炸粉的话，可想而知只虾几幼身无肉。 吉列金星猪柳定食：此为店员推介既季节限定品种，金星豚。肉质比猪扒松软，亦较甘香。 吉列黑豚猪扒定食：与金星豚比，黑豚确系差一线。虽有肉香但肉质较实。总括而言：食吉列野，除左主食既品质，吉列炸粉亦好重要，而呢度既吉列炸粉唔够企身。而配椰菜丝既salad dressing亦未见出色。 唯定食中既珍珠米饭，非常不错，既有饭香甜，真系好品质既珍珠米，粒粒企身，湿度适中！认真唔错！