豪隍點心工房

营业中

休息中

观塘名店豪隍点心工房原来喺同区开咗地舖，之前楼上𠮶间长期客满，而家开咗分店，唔知可唔可以分流到食客呢？记忆中佢哋个烧卖皇大大粒虾仁好高质，今次我哋就试埋个虾饺皇，不过就有啲失望，皮实在太厚太厚啦，即使入面嘅馅料又多又好食，分数都拉唔返高。同样情况出现喺蜜汁叉烧肠，肠粉皮又系过厚，唔够软滑。其余蒸物山竹牛肉球同流沙奶皇包等就正常水准。反而炸物有惊喜，全部都新鲜热辣脆卜卜，鲜虾炸云吞唔蘸甜酸酱改为伴以杂果沙律，好似食紧沙律明虾角咁，好丰富；鹅肝酱咸水角虽然肝酱味唔算突出，但皮脆内软糯，整体味道唔错；鲜虾腐皮卷外皮超脆，馅料虾仁够大粒，又系高质。