炸理滷味 (已結業)

「Li老味」系咪粗口？我就唔知！但「炸理卤味」我就知道系呢间旺角炸物卤水立食店的舖名！可能因为呢个咁有霸气嘅名，老板拣咗砵兰街开铺，相信对活跃附近嘅「居民」或者消遣嘅朋友特别有亲切感。铺头装修系近年流行嘅怀旧风。纸皮石彩地砖，80年代嘅唱片封套，怀旧嘅枱櫈，万寿无疆嘅餐纸盒，仲播住怀旧粤语流行曲。招牌菜就有炸理芝心海龙波波用上虾胶墨鱼胶包住水牛芝士同车打芝士，乒乓球咁大粒，口感弹牙，嫌太寡…仲可以点埋黑松露蛋黄酱。至于必食仲有呢只鸡髀，可以拣炸或卤！卤水髀算几大只，肉质嫩滑好入味，唔够皮？仲可以试埋佢嘅东坡肉，大大块好腍身，入口即熔。