栗堂

营业中

休息中

「南丫岛日式车仔面，日式家庭设计，舒服坐坐，凉凉冷气。」今日虽然系平日，估唔到，南丫岛都有唔少游客，西人比较多，而岛上餐厅多数坚离地，不论海鲜饭店或是西餐，还请百元以上，除了那间冇冷气既碟头饭店。中午午饭时间，榕树湾大街散步着，选择困难症发作中，突然，右手边有人徐徐拉开大门，放眼是一间和食店。「啱啱开舖吗？」我道。「系呀，请随便睇睇。」老板娘说。我立马步进店内，做今日第一个客人。「栗堂」主要提供二三四𩠌车仔面，而老板娘有介绍，该店最自豪的是炸物，建议尝辣既朋友仔试下咖喱猪皮，车仔𩠌仲有唔少素食店先有既腐皮卷以及芋头鱼，厨师会帮客人另碟上。拣了咖喱猪皮、炸芝士肠、炸鱼腐，配猪骨汤米线，炸芝士肠同炸鱼腐非常有味，炸芝士肠外型好似便当既八爪鱼型肠，令人想一口食左佢。