琦興餐廳

营业中

休息中

今年第一餐煲仔饭，帮衬咗深水埗嘅琦兴餐厅。三个人，叫咗两个煲仔饭，另外再加只小店名物生炸巨型鸡脾。首先要赞既系价钱好亲民：煲仔饭六十蚊起就有交易，加个炒菜都只不过系加十蚊，店员仲送我哋一人一个例汤，超级窝心🥰。两个煲仔饭嘅配料都系一丝不苟：姜丝椒丝大蒜红葱头一应俱全👍，我较为钟意蒜蓉鲜鱿，因为鱿鱼够新鲜，蒜蓉够惹味；腊肠排骨虽然都唔错，但肉排则略嫌唔够肥美。两个煲仔饭都有少量饭焦，唔算㶶，火喉欠咗少少，但整体嚟讲非常唔错。至于个炸脾就真系几震撼，我影相时专登用只汤羹做比较，大家可以想像巨脾到底有几巨😮。成只脾我觉得最好食嘅系块皮，有啲似串烧店嘅炸鸡皮，又薄又脆，超正😍；味道方面，始终系雪藏嘢，肉味就会差少少，不过咁大只鸡髀，啖啖肉，慢慢𡁻，其实都系一种享受🥳。