三多炸肶 (已結業)

要数香港最好食的烤脾，我会推介西环的「真滋味」。要数香港最好食的炸鸡，三多，会系我的心水之选。三多本身开系大围，交通唔算好方便。但近期三多系元朗又新街开左分店，当然要去捧下场啦。虽然佢有好多唔同小食，但系我目标只有一个，就系「炸鸡脾」！因为好多客排队而佢又系新鲜去炸，所以落左Order大约等左5分钟左右。店员提我小心热，真系超辣手。由于天气比较热，所以去左旁边7-11到食。炸脾真系热辣辣，我差唔多等左3丶4分钟先可以食，热到傻！炸脾超大只，表面沾上面包槺去炸，卖相已经100分。大大啖咬落去，「卡擦」一声证明炸得非常香脆。鸡肉的汁非常饱满，好彩有带手套否则成手都系鸡汁。肉质非常好，够嫩滑，而且肉质一丝丝，好新鲜。鸡皮炸到脆卜卜，但系鸡肉依然超嫩滑，证明炸粉做得好同埋控制火喉时间控制得好。调味上用左混合的调味粉，又香又惹味，好正！店面重有红色的辣椒粉比你自己去加，辣椒粉又香好够辣，超正！28牌一只炸脾虽然有少少贵，但系炸得咁有质素，间中奖励下自己都无坏呀！