萬芳冰室 (建德街)

营业中

休息中

同麻咪揸车入元朗行吓，去到咁远紧系要揾啲好野食吓啦，啲人话万芳生炸鸡脾同招牌红豆冰好正就黎试吓！万芳招牌红豆冰同一般红豆冰唔同依到啲冰好似啲雪糕球咁系杯顶，红豆有成半杯咁多，食落口仲要粒粒分明有𡁻口，成杯野又唔会太甜，好饮又好吃！生炸招牌大鸡脾非常大只，仲要好新鲜热辣，切落去果吓系会有索索声！炸嘅时间都控制得几好，会食到少少嫩口！配埋波浪粗薯条真系热气到一个点，但好满足。原只凤尾虾多士虾多士睇个样都知好卜卜脆，又系热气之选，非常邪恶😆瑞士鸡翼好入味，啲肉已经浸到变晒色，非常容易咬开。姜煲柠檬可乐见到有传说中可以医感冒嘅特饮就嗌黎试吓，不过略嫌唔够姜。