三多炸肶 (已結業)

三多炸脾终于开到旺角啦，唔使山长水远入大埔，约齐朋友三个去食餐劲，超饱肚。店内三边都是高身枱櫈，如食快餐/小食，透光度高，几光猛，地方算干净。店铺细细，都有几多款食物，有肠粉、沙律、捞面、小食、炸物、粉面及饮品。当然唔少得炸肶套餐。饮品都几特别，黑牛、金牛都估到系咩，但爆柠、柯柠你又知唔知，睇完介绍就点黎饮。点了炸脾餐$48，包一杯爆柠。柯柠$32。两杯都有20安士，大大杯够哂解渴。柯柠个名有点搞笑，原来是橙沟奶，放心饮啦，不但唔会肚柯，味道仲几好饮。有橙味又有浓浓奶香，味道夹到，而且沙冰打得细滑无粒，仲有阵云尼拿味，好特别丫。爆柠就是冻柠茶，但除了大杯左，仲多左其他野，睇睇杯底，有好多爆珠，原来柠茶加蜜糖味爆珠，一路饮一路咬粒爆珠，口中爆开都几有口感几刺激。三多炸肶套餐 $48，有三多炸鸡脾加一杯爆柠，都几抵食。鸡脾超大只，成只手掌咁大。外皮香脆又够薄，鸡肉仲超多肉汁，果然不会干，肉质仲鲜嫩有弹性，腌得好入味。沙爹猪颈肉捞公仔面 $45好多沙嗲 酱汁，仲好香，够酱捞匀所有公仔面，个酱稠稀适中，令公仔面挂到好多酱，味道浓郁又惹味。猪颈肉份量也算多，爽口不腻，好有嚼劲。泰酱炒杂菜 $32