豪隍點心 (已結業)

一拖四个韩国朋友，本来想去厚福街食桂记云吞，但原来唔知几时已关门大吉，佢哋想食点心，就求其入咗呢间，好彩系好嘢门面似㓥游客，但价钱每款都你廿几卅蚊，同外面一般点心店相若。除咗一般虾饺烧卖外，仲有怀旧点心，如蛋煎糯米鸡，猪润肠粉等等，选择非常多。除咗包类外，样样都几有水准，最like炸虾角，好味到叫咗两rounds，新鲜热辣炸起，100%啖啖饱满弹牙虾肉, 古早味调味，旧式的味道。 另外一个特别之处系，佢唔系俾中式茶，而系俾日本玄米茶，韩国朋友饮唔惯，想要冻水，但要$2一杯，韩国朋友当堂O哂咀。