勝興潮州打冷

营业中

休息中

系元朗收工，揾饭食，唔想食Yoho Town连锁店，住附近的同事就带队，但又怕我地腌腌尖尖食惯好嘢。我地话味道好个人的，最紧要干净卫生。去到胜兴门口，觉得比我预期的干净10倍，食材整整齐齐堆放排列，你话门面功夫几咁紧要呢。好多熟客入黎，同老板热热闹闹倾几句先坐低。经验话我知，咁和谐气氛的食店，通常都好食。你d嘢难食d客会成日黎？唔系成日黎会咁熟落？鹅片墨鱼豆腐底：正常，唔突出，鹅片可以再薄d。豉椒炒蚬：新鲜大只，最紧要无咩空壳。白灼东风螺：新鲜，肉厚。炸蚝饼：好好味，足料，唔太㶶，蛋浆啱啱好，口感好实在，唔会得阵风（即系脆卜卜果d）可以为个蚝饼再入黎元朗食。