世記上海麵店

营业中

休息中

世记猪扒面其实都唔使点样去写食评㗎喇，因为基本上呢档嘢喺大埔根本冇人唔识，唯一我可以喺度讲多少少嘅就系，呢度嘅服务员态度都几友善，但用餐环境确实一般，而且坐位非常狭窄，坐得相当辛苦，呢度嘅食品系OK嘅，我叫咗个炸猪扒上海面，面条好烟靱，有少少弹牙，仲撘有两条菜心，都几爽脆，汤底都几好饮，起码饮完后唔会口渴，炸猪扒炸得好香脆，但肉质有少少干，份量都真系几多，有接近两块嘅猪扒，备注：嚟到世记，嘢食一到枱就要比钱先，同时呢度有一样系比较灵活嘅就系，喺度食面嘅同时，亦都可以叫隔离左右嘅店舖入面所卖嘅食品及饮品，相当好！