炊豕店 (加路連山道) (已結業)

好惊食炸猪扒会太干，所以拣咗肉燥汁。块猪扒真系好大块，仲要系炸粉唔算厚，外皮炸到非常之脆，肉就好厚肉，都好嫩，60几蚊一碗嘅价钱10分公道。葱油猪扒都好好食，一开始食会好惹味，食得多我惊会油消化唔到，适合重口味人士。肉操汁就啱啱好。椒盐鱿鱼须都好好味，直头超出我嘅预期，完全对比起猪扒唔会逊色，同样炸得好香脆，配合埋个酸酸地嘅汁，味道一流。$38唔算贵，可以试下。由于份量多既关系，食咗一半既饭已经好饱，另一半留返第二日食都得，虽然炸皮已经唔脆，但都好好食，食个猪扒嘅味道已经好够。唔怪得咁多人嚟食，10分推荐。唯一唔好系地方比较细，同隔离坐得好近，出面又有人等，会有少少赶住食既感觉。