豚勝

营业中

休息中

放假去element睇戏，男朋友系食肉兽，甘啱睇到朋友ins推荐，就霖住试下环境灯光都几warm，好温馨。店员带位之后，都好热情介绍自家选料。听闻选用九州熊本出产嘅Rindo猪，系当地都系名物。两个人叫左熊本特等吉列厚切豚肉定食、日式煎饺子、味噌杂煮叫特等厚切都真系当之无愧，食肉兽一见到个定食上来，已经惊喜。炸衣超薄，肉厚身但唔会好难咬，咬落去好嫩好Juicy。白饭煮的好好，为猪扒都增色唔少。试问边个可以抗拒猪扒配白饭嘅享受。清爽椰菜丝好适合解腻。店家都好好，可以refill白饭、椰菜丝。味噌杂煮有猪肠、猪舌，食落冇怪味，兼好入味，配搭红萝卜，都算啱啱好~好满足~！