臺坊

营业中

休息中

今日行过太和食午餐，见到呢间好多人排队，应该都唔错。等咗一阵好快就入得，叫咗个盐酥鸡肉燥饭，盐酥鸡炸得好香，而且都好多吓，肉燥肥瘦适中，捞埋啲饭食几美味。朋友叫咗个红烧牛肉面，个汤底冇得顶，超级香浓嘅牛肉汤味，牛肉有几旧，食落去好鲜味，萝卜都系好新鲜，唔错。另外叫咗两样小食，海苔炸鱿鱼须，呢个好好味，又好邪恶，由于有啲紫菜喺上面，佢咸咸地而且好香脆，烟烟韧韧唔觉唔觉就食咗好多。炸花枝丸都揸得好好，虽然得五粒，但系每粒都好大粒，揸到入边热辣辣，咬落去好弹牙，送埋台式饮品好好味！我仲叫咗香芋珍珠奶茶，香芋味好浓郁，同奶茶好夹。