Dodam Chicken (利舞臺廣場)

营业中

休息中

环境4分：舖位大，光鲜唔迫又多位，坐得好舒服。卫生5分：任食粉丝泡菜有保鲜纸保护，自助热饮同纸包饮品好卫生。食鸡有胶手套同骨桶，加够佢满分。服务5分：落单快，上菜一样快，快而准，哥仔超好礼貌，态度热诚效率全面一百分。味道5分：1)      粉丝烟un够弹性，泡菜又爽又脆又够辣，任食攞硬满分！2)      啲炸鸡一啲都唔油腻，有鸡髀有鸡翼，总共有六件咁多。粟米粒连埋Ｄ炸鸡碎一齐食特别好食！3)      海鲜汤面又热又大碗，Ｄ面呢就好够弹牙，配料都好劲，有虾，青口，八爪鱼，年糕，冬菇，蛋花，杂菜，最正就系跟埋碟炸鸡同任食泡菜嚟食。抵食5分：去茶记食个餐都要成五六十蚊，嚟Dodam坐得舒服好多，加少少钱就有份大餐加饮品同任食粉丝泡菜食，抵到烂。