Chibee Chicken and Beer (已結業)

唔知点解韩国嘢定期都会突然好想食，但普通烧肉实在食得太多，睇开韩剧谂起好耐冇食过炸鸡，就即刻心郁郁去揾一下！睇到呢一个标志就谂起韩国地道嘅炸鸡餐厅！夜晚大约六点，人流还未算多。呢度坐得几舒服几阔落。我地点左一份热熔芝士炸鸡，炸鸡一开始上嘅时候就只有原味，没有任何添加酱料。职员之后攞出刚刚烧熔嘅芝士淋上去，新鲜滚热辣，已经传来阵阵芝士香味！淋完芝士之后，建议大家要快啲夹来吃，因为芝士冷却之后又会凝固。炸鸡炸得好香脆，入边嘅肉亦都仲好嫩好滑，能够保留到肉汁！配上芝士嚟食份外上瘾！鱼糕汤锅估唔到份量咁大，汤底好鲜甜有少少嘅微辣！鱼糕烟韧弹牙！真系令人好怀念韩国街边小食档阿猪妈嘅鱼糕串！最尾仲食埋粟米，有劲多芝士！粟米好香甜，一口接一口！呢度过咗八点之后越来越多人，当中仲有好多韩国人来帮衬，味道有一定嘅保证！