影片
更多
2017-06-29
82 浏览
有日放工忽然好想食炸鸡，于是就近近地去左新都城食BBQ chicken。夜晚7点几黎到，要排队等一等位，店内生意都几好。秘制辣酱炸鸡（$72/5件）我最爱食炸鸡，鸡身都炸得几脆，呢个酱原来都好辣，我睇漏左menu上原来有两个辣椒标志喺侧边，哈哈。爱辣者啱晒，如果食唔到咁辣，可以叫另一款甜辣炸鸡（一个辣椒标志）。韩星八重奏（$148）呢款炸鸡就啱晒三心两意嘅我，因为佢包括有蜂蜜脆片炸鸡、香脆芝粉鸡、韩式香蒜炸鸡、柚子炸鸡同头先果只辣酱炸鸡等8件鸡槌，真系食鸡都食饱。咁多只味道入面，我最钟意食柚子炸鸡同蜂蜜脆片炸鸡，甜甜地好好味，炸粉又唔厚。柚子多士配雪糕球（$49）甜品系韩风多士配云呢拿雪糕，坦白说多士有d淋，但搽左柚子酱甜甜地都几好味，与其当佢系一个多士（应该脆口的嘛），不如当佢系一个甜品更好。食炸鸡点可以唔饮有汽嘢饮，分别叫左杯韩式柚子梳打（$28，后）同健怡果醋梳打（$38，前），透心凉。
有日放工忽然好想食炸鸡，于是就近近地去左新都城食BBQ chicken。
夜晚7点几黎到，要排队等一等位，店内生意都几好。
秘制辣酱炸鸡（$72/5件）
我最爱食炸鸡，鸡身都炸得几脆，呢个酱原来都好辣，我睇漏左menu上原来有两个辣椒标志喺侧边，哈哈。
爱辣者啱晒，如果食唔到咁辣，可以叫另一款甜辣炸鸡（一个辣椒标志）。
韩星八重奏（$148）
呢款炸鸡就啱晒三心两意嘅我，因为佢包括有蜂蜜脆片炸鸡、香脆芝粉鸡、韩式香蒜炸鸡、柚子炸鸡同头先果只辣酱炸鸡等8件鸡槌，真系食鸡都食饱。
咁多只味道入面，我最钟意食柚子炸鸡同蜂蜜脆片炸鸡，甜甜地好好味，炸粉又唔厚。
柚子多士配雪糕球（$49）
甜品系韩风多士配云呢拿雪糕，坦白说多士有d淋，但搽左柚子酱甜甜地都几好味，与其当佢系一个多士（应该脆口的嘛），不如当佢系一个甜品更好。
食炸鸡点可以唔饮有汽嘢饮，分别叫左杯韩式柚子梳打（$28，后）同健怡果醋梳打（$38，前），透心凉。
张贴
