BBQ Chicken (已結業)

新都城BBQ chicken 的炸雞都保持著炸雞專門店的基本水凖。晚上門口等位的情況更保持著更高的水準，想食就要早一點。炸雞有很多不同款式，不同名字，換個角度，其實包括韓式原味丶辣味丶糖面丶橄欖油面等，見到menu 都有選擇障礙。㸃了柚子炸雞同黃金橄欖炸雞，感覺好像內面的🐔肉的質感和味道差不多。分別主要係雞皮。脆脆的雞皮加香甜雞肉，閒來一餐都不錯。不過想試試不同做法既味道，最好飲多淡汽水或湯隔吓味。然後點了炒拉麵，這個芝士拉麵比較一般，我更喜歡茶餐室既炒公仔麵，當然這道韓式麵正氣一點。整體來說是👌，偶爾幫襯也不錯，menu 也提供不少新選擇。不過吃完比較口dry，難道以此鼓勵食客 order 多杯 special drink? 🤔

見BBQ chicken喺將軍澳開咗，所以專試黎試下，我見佢新出左韓星八重奏炸雞，所以身為炸雞粉絲嘅我就黎試吓。韓星八重奏＄148 7.5/10🐥裏面我最鍾意食嘅係香脆芝粉雞，好惹味，炸粉亦都唔厚。芝士粉配上啱啱乍起嘅脆雞，味道一流！另外仲有蜂蜜脆片炸雞、甜辣炸雞、香蒜炸雞等等。真係一次試晒八款口味！🍖🐤另外都叫咗佢新出嘅甜品吐司，柚子雪糕配蜜糖吐司，不過方包比較薄，唔厚身，好似食緊烘麵包，價錢四十幾，普普通通。

由土耳其人開嘅炸雞餐廳，食物種類多，每個種類都約有5款味道，滿足哂唔同人需要。位置方便，所以今次係外賣，帶到屋企食，外賣包裝衛生，炸雞都能保持熱力同脆，可以選5隻或10隻，試到唔同味，可惜外賣炸雞醬分開，唔知邊款炸雞跟咩味，如果有dish 名貼住就好。牛肉炒年糕就賣相就差點點，味道就好，年糕唔會太chewy以為泡菜餅係好似pizza 脆邊，但係軟身的，感覺唔夠熱。部隊鍋很辣，但湯很少，返到屋企煲熱再加料，如果多一啲綠色食材，視覺上會靚啲。

這間以韓式食品掛帥的餐廳在開張的時間人頭湧湧， 事隔多月，星期六的中午到這間餐廳午膳，已經沒有那麼多人了，未知是否韓式食品熱潮已過? 還是晚市才旺呢? 我們一行七人不用等便就坐了，看看餐牌先點一客棉花糖炸雞，其實只是在炸雞上放上棉花糖，侍應再在棉花糖上用火槍點火，讓棉花糖融入雞表面，論雞肉味道香口鬆脆，味道不錯，但棉花糖只是一個噱頭吧，對味道沒有什麼提升可言。另外一道菜是龍蝦汁海鮮焗飯，材料豐富，味道濃郁，是一貫的韓式食品風格。至於韓式芝士午餐肉薄餅味道一般，沒有太大的感覺。整體上只有炸雞給我良好的印象，我想需要在菜式上增加一點心思和新意，才能有吸引我再食的興趣。

今次去到將軍澳「新港城商場」行完街，就周圍搵下啲嘢食，見到有間韓國食炸雞嘅餐廳，入面仲有韓國MTV睇，搞到我係出面都比啲韓國歌曲吸引左，兩個人就入咗去試吓。入到去幾乎滿座了，好彩門口仲有兩個座位，我哋急不及待叫咗餐廳推介嘅炸雞「韓星八重奏」。等左一陣已經有得食了，炸雞非常吸引，真係冇改錯名，雞髀有八隻唔同嘅味道，我哋一人可以試四隻味道。我試咗「柚子」、「香脆芝粉」、「韓式香蒜」同埋「甜辣」味道嘅炸雞。我最鍾意就係「柚子炸雞」，雞髀炸到好香脆，上面鋪滿左好多柚子醬汁，咬落去雞髀爽口香脆，而且肉質鮮嫩，一啖已經有不同口感同味道，真係好想再encore。除咗呢隻味道，其他三隻都好正，但係緊記每次食完一隻味道嘅雞髀之後，要飲啖清水清下口入面的味道，咁就可以試真啲其他味道的雞髀。之後想叫返個湯麵濕下個喉嚨，我哋就叫咗一碗「海鮮湯麵」，呢碗熱辣辣嘅海鮮湯麵有少少辣，但係食落去幾滋味，而且麵質好爽口唔會太「林」，湯麵入面仲有好多唔同嘅海鮮配料，包括有魷魚、蝦同埋蜆等等，再加埋爽口嘅蘿蔔條，同埋咁惹味嘅芝麻辣湯底，咁樣match幾好食。飲品方面我哋叫咗凍「韓式抽子梳打」，夏日炎炎飲杯清涼嘅飲品落肚好舒

早排去了寶琳的新都城行街，撞正好多店都有折扣~買買買~~行到好累之際，發現這間食店，可以Hea下食個晚餐補充動能(開胃前菜~~)我們兩個人叫了幾樣食物，分別有部隊火鍋~其實這次是我第一次食這個，之前睇韓劇經常見到主角食，今次真是第一次自己食~其實真是公仔麵加一堆丸和腸仔的感覺....醫肚餓可以說是首選XD另外叫了一個芝士午餐肉餅~~哈哈哈，好多紫菜，我不太好紫菜哩...沒想到有這麼多，喜歡紫菜的朋友可以試下~韓國炸雞店必不可少的主打一定是炸雞~~!!!這個韓星八重奏有8款不同口味的炸雞，完全滿足到對心思思不知吃哪個口味少好的人，一次過食齊多種口味~~!有款味道好辣，食到我想大叫~XD最後再來一個甜品~~柚子多士配雪糕~其實這個味道不錯，不過記得要早一點Order，我以為有雪糕會好快溶，所以食完上面講的食物先叫這個，結果等了半小時才有.....>"<所以建議同樣想食雪糕的，可以問問店員製作需要的時間再決定幾時Order~~~

點了兩味蜂蜜炸雞及芝士部隊鍋公仔麵炸雞粉厚超硬，失敗，食KFC好過，還平好多呀！部隊鍋，超咸，冇芝士味，想點，勁難吃！冇下次，好後悔入了去去KFC食冇咁嬲！重要咁貴

新都城真係十級大，搵左勁耐先搵到BBQ Chicken係邊。間鋪裝修好韓國feel，牆身以紅藍為主題，電視不斷播住韓星嘅mv。 韓星八重奏。心大心細嘅我每一隻雞都好想試曬，又有選擇困難症，樣樣都好吸引。最後揀左e個一次過可以試曬8隻唔同味嘅雞肶！黃金橄欖炸雞係最基本嘅炸雞味，橄欖味唔太突出。秘制辣醬炸雞食落有小小似泡菜味，愈食愈辣，係譚仔3小嘅lv。柚子炸雞上面有小小柚子皮汁，甜甜地好香柚子味。滋味酸辣炸雞食落似泰式辣醬，外皮脆卜卜入面就肉質鮮嫩。甜辣炸雞以甜居多，幾好食。蜂蜜脆片炸雞嘅脆片甜甜地中和左炸雞皮嘅辣，雞肉醃到有小小鹹鹹地。香脆芝粉雞勁多粉係面，好似食緊芝士條咁。韓式香蒜炸雞有好香炸蒜味，醃到連雞肉都好重蒜味甜甜地。江南粉絲炒年糕。份量係正常size，粉絲有小小乾身，年糕好有咬口但唔會痴牙。佢嘅辣係類似三養辣雞嘅感受，唔難入口，但餘辣好勁。柚子多士配雪糕球。雪糕係雲妮拿味，插左簿荷葉係面好QQ。下面嘅三塊多士有輕微燙過，加左柚子果醬代替蜜糖，甜甜地好好味。融左嘅雪糕加埋多士一齊食，酸酸甜甜好夾。紫薯牛奶咖啡。好淡嘅紫薯味，反而牛奶味比較重，咖啡味都好香。香桃梳打。桃味唔太突

上星期終於約得成朋友仔食飯朋友話要食韓式炸雞 之前一直想試呢間炸雞仲有我鐘意既韓星代言🙈由於款款味道既炸雞都好吸引 實在好難揀於是我地叫換一碟不同口味既炸雞有芝士、原味、蜜糖脆片、柚子、韓式辣醬、炸蒜、紫蘇葉及酸甜醬炸雞雖然價錢比單一口味炸雞貴小小 但勝在可試哂咁多種味炸雞一點都不鞋口而且嫩滑全碟用上雞脾都幾多肉仲叫左部隊鍋有個小爐一路煮一路食味道都幾辣嫁！不過呢款部隊鍋加入左香港特色，竟然有兩粒龍蝦丸🙈如果用番韓式魚卷會比較好食飽飽嫁甜品做結尾韓式柚子多士若用上厚多士會更好另外，烘得不夠脆不過柚子醬酸酸甜甜幾好食同開胃能消化滯膩感覺

Thanks god it's Friday!終於撐到星期五晚上，可以開始long weekend.迎接長週末的第一餐我揀左食韓國炸雞😂😂先黎前菜泡菜和漬蘿蔔～我地點左個「韓星八重奏」，原部都係雞鎚，正呀！啖啖肉八重奏即係8種味道，包括：柚子醬，甜甜脆脆，感覺無咁熱氣，中和返芝士粉，好香芝士味，又帶點甜甜地，芝士控至愛蜜糖脆片，蜜糖甜，加左脆片，脆上加脆香蒜，好似食緊媽咪麵既調味似的酸辣，酸酸辣辣，好惹味原味，肉嫩，有一股唔識形容既香味，應該係秘製香料甜辣，老公好食得辣，所以依個辣係入門程度，不過個甜味好得意，但老公唔識形容超辣，老公至愛，食得辣既人可以挑戰卡邦尼炒年糕香濃忌廉芝士味，再配紫菜及火腿，香味及美味度增加！仲有洋蔥，增加香甜～年糕煙靭度適中，再配咸香火腿，好吸引～小型部隊鍋材料有炸餃子、年糕、午餐肉、龍蝦丸、魚蛋、紫菜、芽菜。部隊鍋麵底味夠濃，辣得黎又有紫菜既咸香！D 丸夠彈牙，年糕吸收了濃底精華，辣度高，如果鐘意食辣既一定要揀～食炸雞又點可以少得啤酒，老公點左個熱情果涼浸浸特飲（有油精）我就叫左杯香桃梳打～柚子多士配雪糕買相精美，估唔到柚子醬配雲尼拿雪糕係咁好食食完咁多炸

有日放工忽然好想食炸雞，於是就近近地去左新都城食BBQ chicken。夜晚7點幾黎到，要排隊等一等位，店內生意都幾好。秘製辣醬炸雞（$72/5件）我最愛食炸雞，雞身都炸得幾脆，呢個醬原來都好辣，我睇漏左menu上原來有兩個辣椒標誌喺側邊，哈哈。愛辣者啱晒，如果食唔到咁辣，可以叫另一款甜辣炸雞（一個辣椒標誌）。韓星八重奏（$148）呢款炸雞就啱晒三心兩意嘅我，因為佢包括有蜂蜜脆片炸雞、香脆芝粉雞、韓式香蒜炸雞、柚子炸雞同頭先果隻辣醬炸雞等8件雞槌，真係食雞都食飽。咁多隻味道入面，我最鍾意食柚子炸雞同蜂蜜脆片炸雞，甜甜地好好味，炸粉又唔厚。柚子多士配雪糕球（$49）甜品係韓風多士配雲呢拿雪糕，坦白說多士有d淋，但搽左柚子醬甜甜地都幾好味，與其當佢係一個多士（應該脆口的嘛），不如當佢係一個甜品更好。食炸雞點可以唔飲有汽嘢飲，分別叫左杯韓式柚子梳打（$28，後）同健怡果醋梳打（$38，前），透心涼。

之前都已經食過BBQ chicken, 但估唔到將軍澳新都城都開咗分店。依家嘅環境同其他分店有少少唔同，似係一間cafe既裝潢。我哋八點半嚟到，等左兩張枱，就到我哋。一坐低就見到有新推出嘅韓星八重奏。炸雞包括八種唔同味道。我哋兩個人食，每人四隻都不算過分吧。一上到枱就見到一個星嘅擺設，已經覺得好吸引。裏面我最鍾意食嘅係香脆芝粉雞，好惹味，炸粉亦都唔厚。芝士粉配上啱啱乍起嘅脆雞，味道一流！另外仲有蜂蜜脆片炸雞、甜辣炸雞、香蒜炸雞等等。真係一次試晒八款口味！之後就見到餐牌上面嘅hot sale有卡邦尼炒年糕，覺得好新穎就叫左。平時多去食泡菜年糕，醬油年糕等等。估唔到今次用卡邦尼黎整都幾好食，幾有新鮮感，味道好夾。之後亦都叫咗個芝士焗BB骨，BB骨味道濃郁，肉質嫩滑。不過份量就較少，只有四舊，兩個人食就啱啱好。最後我哋都想要甜品作為晚飯結束，就揀了新出既柚子多士配雪糕球，柚子雪糕幾好食，好清新。不過個多士係烘薄嘅麵包，如果轉為厚身，就會更加好。

見平時咁多人以為好好食，今日終於冇乜人諗住入去試吓，真係好榮幸可以試到咁難食嘅韓國嘢。個粉絲炒年糕唔知想點，得個辣字 個年糕好似用滾水煮咁。杯紫薯咖啡好似奶水咁一啲味都冇，咖啡味都冇。唯一係個炸雞真係即叫即炸，夠脆，不過KFC都可以贏佢而且平啲。冇下次。

因為星期六，日周圍都好多人等位，所以諗住試下呢間BBQ chicken,點知一試出事老實講，韓式野食佢地算平，不過真係吾多掂，個炸雞有少少梅梅地，我叫左蒜香，都瀨野另外，叫左個韓式牛肉碢飯，我以為自己去左茶餐廳吾夠味，似碟頭飯唯一優點，係de炸雞可以叫細份因為其它專食炸🐔通常都得一個size另外，個配菜kimchi有啤酒味......我地懐疑佢應該吾小心倒左de洒落去🙈唉，應該吾會再幫襯...@@

呢碟野真係得個名😪食落係完全，完全，完全無味，我諗食炒出前一丁都無咁嬲咁就收你$52，如果唔係唔想浪費食物真係唔會食晒。到底係個廚師問題定食材問題定調味問題？講到底碟野係毫無特色，完全失望