影片
更多
2023-07-27
25 浏览
之前喺中环试过一次京川菜之后就好想再试吓食呢啲香辣串烧，今次揾到尖沙咀呢一间大树烧烤。同样都系以自助形式画纸仔剔想食嘅嘢落单，而且可以比你的小辣点钟呀定系大啦，我哋两个唔太好辣野，所以小辣已经好够啦。卤烤鸡架($48): 好似辣子鸡咁，但系就冇咗所有辣椒，见到上面沈左辣椒粉，但系略嫌有啲太多，太overpowering。完全食唔到鸡嘅味道🤔大树烧全翼($23): 烧到外皮脆脆咁样好正，所有食物上枱时都会摆喺热炉上边，唔怕食完一样其他会冻晒。烧鸡中翼($20): 一串有两只，但系自己较钟意全翼多啲，就咁食鸡中翼好似唔系好够喉。岩盐安格斯($68):呢个系比较失望嘅，上菜嘅时候一碟得几块，而且切得好薄身，系有少少盐味嘅，但系唔系好够热，本身谂住摆落热炉𠮶度坐热佢，但系咁样又会变得好韧…所以都系快快脆脆食咗佢就算。五花肉蟹柳卷($28): 正正常常，就系五花肉包着蟹柳，但系热辣辣系几好食嘅。鲜烤白鳝($48):比想像中大嚿，一串有一嚿长嘅，烤得好脆，而且冇因为调味料而盖过咗鱼味，值得推介。烧翠玉瓜($16)，烧四季豆($16): 正正常常冇乜特别。粒粒粟米串($28): 呢个反而好有惊喜，记
卤烤鸡架($48): 好似辣子鸡咁，但系就冇咗所有辣椒，见到上面沈左辣椒粉，但系略嫌有啲太多，太overpowering。完全食唔到鸡嘅味道🤔
大树烧全翼($23): 烧到外皮脆脆咁样好正，所有食物上枱时都会摆喺热炉上边，唔怕食完一样其他会冻晒。
烧鸡中翼($20): 一串有两只，但系自己较钟意全翼多啲，就咁食鸡中翼好似唔系好够喉。
岩盐安格斯($68):呢个系比较失望嘅，上菜嘅时候一碟得几块，而且切得好薄身，系有少少盐味嘅，但系唔系好够热，本身谂住摆落热炉𠮶度坐热佢，但系咁样又会变得好韧…所以都系快快脆脆食咗佢就算。
五花肉蟹柳卷($28): 正正常常，就系五花肉包着蟹柳，但系热辣辣系几好食嘅。
鲜烤白鳝($48):比想像中大嚿，一串有一嚿长嘅，烤得好脆，而且冇因为调味料而盖过咗鱼味，值得推介。
烧翠玉瓜($16)，烧四季豆($16): 正正常常冇乜特别。
粒粒粟米串($28): 呢个反而好有惊喜，记得以前去大陆食𠮶啲粟米系好烟韧嘅，印象中好似有一种叫做糯米粟，呢一次食到嘅正正就系好似糯米粟咁嘅口感。有10吋，每一寸都系逐粒逐粒咁样穿上竹签，加埋啲孜然粉真系好正!!
蒜香豆腐皮($22): 系一块大嘅豆腐皮包住蒜蓉同埋葱，钟意食蒜蓉嘅朋友，千祈唔好错过。
避风塘鱿鱼($48): 虽然主角系串烧，但系反而呢啲小食都煮得几好。呢个避风塘鱿鱼好够味咸咸地，再加上脆脆地，好开胃，送酒一流。
炸鸡薯片($38): 呢个真系第一次食，本身谂住系一片好薄好薄嘅麦乐鸡咁，但系反而真系有炸鸡嘅质感，系真嘅鸡片，切得好薄再拎去炸，再加上甜辣酱，好特别!
总结：其实落单之前待应已经将个炉烘热左，有几次都系完全唔记得啲嘢系仲系热嘅情况之下，就咁食落口，争啲辣亲个咀😂个人觉得调味好重要，呢度就充分发展咗调味料嘅作用，每一串都好惹味，但系间中都要饮几啖水黎你平衡返，自己觉得好适合一大班朋友倾偈，过一晚豪迈嘅一夜！
张贴
