臻味豬扒酸辣米線

营业中

休息中

呢间位于牛头角同观塘边界嘅小店，讲真，如果唔系有朋友带我嚟，基本上系唔会识去又未必会专登去，或者就算去都系去上面转弯小巴站食小炒或者食蛇羹，虽然呢间小店主打食猪扒米线，不过佢嘅炸云吞同埋炸韭菜饺比佢嘅猪扒更加出色。出边一般食到嘅炸云吞通常都系皮好厚，再加上通常都系一早炸定，所以味道基本上都系麻麻地，不过呢间小店，由于炸云吞同埋炸韭菜饺都系即叫即炸，而且佢嘅胶皮比较薄身，所以热辣辣上枱嘅时候仲系脆卜卜，而佢嘅油量比想像中少，不过可能佢太大碟，所以食到最尾嘅一两嚿嘅时候，佢嘅饺皮会开始淋，呢个系唯一美中不足嘅。