士多冰室

营业中

休息中

虽然开左业一年左右，但好多Youtuber有介绍过，最出名就系大大只炸髀。星期六终于揾到时间去试佢嘅下午茶。UFO大髀配薯条 $46餐厅人气之作就一定要试，即叫即炸，我地等左大概两个字先上枱。鸡髀厚肉位置已经㓥开，方便炸到熟，亦因为㓥开左，所以望落大只D。可惜鸡髀炸过龙，炸到非常硬脆、好界口、而且毫无肉汁可言😑，如果呢个炸髀系厅嘅signature，咁我觉得完全唔合格🤦，我只系食左半只，都已经比佢界损左上颚….而且D肉干硬到咬到牙软。😣高层西多士 $38西多由三块面包组成，一层夹花生酱，另一层就夹柑橘类嘅果酱，食落好似陈皮味😂。呢度嘅西多士系加炼奶，而非糖浆，整体食落甜度可以接受，而且又有蛋香，又够厚，不过果层果酱如果可以比客人拣要番花生酱就更好，因为我地都麻麻呢股陈皮味😅吉列鱼薯条 $40吉列鱼大大件，炸到好脆、好干身；鱼肉仲好多汁，不过有少少腥🤔，点果个偏酸嘅千岛酱食会比较好。热咖啡偏重奶味，咖啡唔够香，如果以茶餐厅冲出嚟嘅水准嚟讲，呢个唔合格。我唔知餐厅平时咩水准，但以我星期六下午5点半嘅食物质素嚟评价嘅话，炸髀实在不可一、不可再。