李家 (已搬遷) 新店位置

成日经过韩国街都见到好多韩国餐厅，但系今日竟然比我见到一间要上楼梯比较隐蔽嘅韩国餐厅！最重要系入边嘅老细竟然系韩国人，所以好有亲切感，佢仲好有礼貌咁样同我哋打招呼🤣🤣一入到餐厅啲侍应都好好咁介绍餐牌上嘅食物，而呢一间餐厅最出名就系食炸鸡！韩国炸鸡出晒名，但系好唔好食又系另外一回事！我自己都去过韩国几次，食炸鸡嘅经验都唔少，但系呢度嘅炸鸡都比得上韩国𠮶款，个皮够脆，而且啲鸡够嫩！而且甜辣同原味可以双拼咁嗌，大约有10几只，真系够四个人食！！而且甜辣唔会辣到要饮水𠮶种，所以可以放心咁食！而我哋都嗌左个韩式辛辣面同蛋锅，韩式辛辣面味道比较辣，但系面质都仲系会好弹牙，好有口感，而且入边再加左一只蛋添！我哋亦都亦都嗌咗五花腩，隔离亦都有啲泡菜做配菜，佢肉质比较干身，所以配埋泡菜食，个口感就啱啱好啦！佢除咗分量多之外，味道都几好，第一下食会有一种烟肉味嘅味道，而且肉同脂肪分布嘅比例啱啱好，唔会觉得好油腻！最后我哋都嗌咗一杯西柚梳打特饮，最欣赏就系佢唔会好甜，而且唔系药水味𠮶种，我哋食餐都食得好满足🤩🤩