Yadllie Plate 야들리애플래이트 (兆萬中心)

食韩国野，点少得炸鸡呢！呢度仲要有无骨炸鸡添架，啖啖肉。叫左个葱葱炸鸡，$108。可惜无骨鸡冇得双拼。炸鸡点可以唔配返杯啤酒，西柚啤酒，$68。另外叫左个紫菜手抓饭，$78。同淑女炒年糕，$78。炸鸡外脆内嫩，可惜炸鸡本身冇咩味，配搭酱汁黎食，个汁系酸酸地，好似醋咁，可以减少炸鸡油腻感。但系个人觉得就咁配葱食会好味d, 个汁唔系太配合个味。而啤酒就小小西柚味，啤酒味都比较淡口，好易入口，清清地，唔错。至于紫菜手抓饭，麻油味重，有d蟹子,所以口感有小小脆，而饭就较黏，比较似糯米质感。店员会系你面前搓饭团，亦都可以自己搓，边食边玩。淑女炒年糕，个酱好香，好惹味。不过就辣左D, 仲要辣味系慢慢渗出黎，辣得好过瘾。