韓宮 (已結業)

难得开心星期五，紧系要对自己好点食好少少，放工约左妈咪系红磡等，因为依面好多餐厅选择，但好多都要等位唯一韩国菜系依头有多几间选择，早前经过依间餐厅门外睇过餐牌，整体上都几多食物选择，石头饭、汤、韩式炒粉丝、韩式小食、炸鸡等等，真系包罗万有，加上店门外装修都较为传统既韩国餐馆设计同隔离仲开设多一间只系专卖炸鸡既外卖店，可以让客人入店食又得，想外卖取走又可以，所以吸引左我地入去试下。入到店内，基本上全场满座，唯独剩下得返一两张二人枱，我地都坐下慢慢睇下食咩好。见到隔离枱样样都有叫咁，我地就睇中佢地碟炸鸡，于是我地都毫不犹豫叫左原味+甜辣味炸鸡双拼同韩式紫菜呑拿鱼卷，老板亲自帮我地落单，佢识讲广东话仲问我地炸鸡想食有骨定无骨，我地拣左有骨，觉得有骨鸡有咬口同香D。店内都贴满韩剧既海报，播住韩国歌，令大家更投入同享受晚餐，老板亦都帮我地落完单后立即拎左六碟前菜同两杯麦茶比我地过下口隐先上菜速度都颇快，首先系-韩式紫菜呑拿鱼卷: 一条卷物切开八件，摆法都好精美，卖相好有油光，感觉好似即叫即卷咁，馅料有蛋、呑拿鱼、渍物、蟹柳、红萝卜、薄荷叶，口感好烟韧，配埋薄荷叶味道好清爽，紫菜好香麻油味，饭仲要