Sixer Burger (已結業)

初时以为只有汉堡食但原来都有几多种类的食物，最开心系见到有我最爱的炸鱼薯条同意粉。龙虾牛肉汉堡配香草忌廉汁就咁Burger 既款式已经好多好难选择，但最后忍唔住叫左个龙虾牛肉汉堡配香草忌廉汁。个Burger一来到痴左线咁大，大大旧龙虾肉货真价实，见到就好兴奋。一入口，龙虾充满炭烧嘅香味，食得出系有落心机去整，肉质好弹牙，啖啖肉好爽。牛肉都好足料好Juicy。沙律因为跟左Set 选左沙律。D菜好靓好新鲜，好清新。减低左唔少肥腻感。Good!炸鱼薯条另外，当然少不了就系炸鱼薯条。以$68 的价钱有两条大鱼同薯条，我个人觉得系十分抵食。即叫即炸系要赞的。一上菜，系热辣辣，炸粉好簿，鱼肉好厚，又会唔会散哂。略嫌清淡左少少。蓝青口卡邦尼意粉份量都算大，卖相唔错，味道略嫌咸左少少，但整体都好Creamy ，可能一个人食会腻D，所以Share 就会刚刚好。可能食物系即叫即做的关系，上菜时间略嫌耐左少少，不过能够保持食物的热度同质素系重要的，所以等多一阵就唔紧要。一间小店能够做出咁多唔同款式的食物，实在系我地客人的福气。从食物中能够感受到佢地的用心。