影片
更多
2022-12-31
1313 浏览
喺朗豪坊买完戏飞，见仲有好多时间，即兴走去大角咀食个 early dinner。之前有朋友推介过棕树街𠮶间「柚子茶室」，反正仲未谂到食乜嘢，一于过去试下。餐厅属小店格局，以木制台櫈为主，店内面积不大，但环境光猛，装修明亮，地方干净企理，所以都坐得几舒服。嚟到刚好 5:30pm，仍然系下午茶时间，见到餐牌有红豆西多士 ($36) 供应，所以决定先食甜后食咸。西多炸得很香口，外脆内软，红豆颗粒饱满，微甜不腻，连糖浆同吃，甜度恰好，有粒粒口感，赞！店舖主打食鸡，一场嚟到，当然唔可以错过。点咗店员推介嘅话梅醉鸡、香辣肉碎猪手饭，另外再加咗碟炸云吞同灼油菜。酥炸云吞 ($38) 云吞即点即炸，新鲜热辣，入口相当香脆，内里虾肉鲜味爽弹，点埋个酸甜汁食，超惹味。香辣肉碎猪手饭 ($68) 接著送上，跟餐送例汤。今日嘅例汤系眉豆花生猪骨鸡脚汤，鸡脚有丰富胶质，配以猪骨，饮落味道好鲜甜，非常足料。猪手整得好入味，肉质嫩滑，啖啖肉，配埋垫底嘅酸菜一齐食，醒胃解腻。旁边嘅香辣肉碎亦非常正，不但辣度适中，而且干身不油，用嚟捞饭一流！话梅醉鸡 ($88) 鸡件肉质超滑溜，皮爽肉嫩，食落完全没有丝毫雪味，连
之前有朋友推介过棕树街𠮶间「柚子茶室」，反正仲未谂到食乜嘢，一于过去试下。
餐厅属小店格局，以木制台櫈为主，店内面积不大，但环境光猛，装修明亮，地方干净企理，所以都坐得几舒服。
嚟到刚好 5:30pm，仍然系下午茶时间，见到餐牌有红豆西多士 ($36) 供应，所以决定先食甜后食咸。西多炸得很香口，外脆内软，红豆颗粒饱满，微甜不腻，连糖浆同吃，甜度恰好，有粒粒口感，赞！
店舖主打食鸡，一场嚟到，当然唔可以错过。点咗店员推介嘅话梅醉鸡、香辣肉碎猪手饭，另外再加咗碟炸云吞同灼油菜。
酥炸云吞 ($38) 云吞即点即炸，新鲜热辣，入口相当香脆，内里虾肉鲜味爽弹，点埋个酸甜汁食，超惹味。
香辣肉碎猪手饭 ($68) 接著送上，跟餐送例汤。今日嘅例汤系眉豆花生猪骨鸡脚汤，鸡脚有丰富胶质，配以猪骨，饮落味道好鲜甜，非常足料。
猪手整得好入味，肉质嫩滑，啖啖肉，配埋垫底嘅酸菜一齐食，醒胃解腻。旁边嘅香辣肉碎亦非常正，不但辣度适中，而且干身不油，用嚟捞饭一流！
话梅醉鸡 ($88) 鸡件肉质超滑溜，皮爽肉嫩，食落完全没有丝毫雪味，连鸡胸都可以做到又嫩又滑，入口带浓郁酒香，但又唔会过浓，无盖过鸡味。
鸡汤灼油菜 ($23) 油菜有菜心、通菜同娃娃菜可供选择，拣咗菜心，烹调时间刚刚好，保持色泽翠绿，入口味道很清甜，鲜嫩又无渣。
跟餐饮品点咗生姜杞子桂圆茶 (+$12) 同 热柠茶 (+$3)，桂圆茶系餐厅自家炮制嘅，据说有益气补血、健脾暖胃功效，入口姜味好重，饮完成个人都暖晒。
张贴
