影片
更多
2015-11-29
1445 浏览
想去cafe，又唔想出到上环、旺角等地方，就近search下发现火炭都有小有名气嘅特色cafe，又因为之前已经听闻过呢间伙食工业，就决定左嚟食～星期日餐牌似乎同平日唔同，主要系台式食品。点左卤肉饭、药炖排骨饭、盐酥鸡，饭后甜品Brownie，及两杯咖啡。先食正餐，卤肉饭非常好味，我俾满分！系手工卤肉，即系唔系用机绞嘅肉碎，而且毫不留手地落肥肉，而肥肉入口即融⋯⋯伸加上红葱头炒，喺台湾水准都可以算系好食嘅卤肉饭！而且价钱只系$20! 我觉得系必食。另外盐酥鸡都还好，不过价钱比较贵，＄40只有5件。但系由佢有埋炸九层塔呢点我知道个厨系真系想将真正原味嘅台湾小食带嚟香港。可惜嘅系，我点左嘅药炖排骨极咸，咸到冇乜药材香味。如果你系无敌食肉兽，你可能会中意，因为真系好大碗肉！（差不多系拉面碗咁大，装满排骨）同左店员反映，佢话会同厨讲声⋯⋯我希望我𠮶碗只系一时失手。饭后点左咖啡同Brownie. 咖啡可以拣hand drip或siphon，我试左日式炭烧hand drip，我非常中意～但可惜嘅系，个Brownie竟然硬到掟得死狗！食到某一个位，叉都叉唔开，唯有又向店员讲，叫佢地注意下⋯⋯佢好好，转
星期日餐牌似乎同平日唔同，主要系台式食品。点左卤肉饭、药炖排骨饭、盐酥鸡，饭后甜品Brownie，及两杯咖啡。
先食正餐，卤肉饭非常好味，我俾满分！系手工卤肉，即系唔系用机绞嘅肉碎，而且毫不留手地落肥肉，而肥肉入口即融⋯⋯伸加上红葱头炒，喺台湾水准都可以算系好食嘅卤肉饭！而且价钱只系$20! 我觉得系必食。另外盐酥鸡都还好，不过价钱比较贵，＄40只有5件。但系由佢有埋炸九层塔呢点我知道个厨系真系想将真正原味嘅台湾小食带嚟香港。
可惜嘅系，我点左嘅药炖排骨极咸，咸到冇乜药材香味。如果你系无敌食肉兽，你可能会中意，因为真系好大碗肉！（差不多系拉面碗咁大，装满排骨）同左店员反映，佢话会同厨讲声⋯⋯我希望我𠮶碗只系一时失手。
饭后点左咖啡同Brownie. 咖啡可以拣hand drip或siphon，我试左日式炭烧hand drip，我非常中意～但可惜嘅系，个Brownie竟然硬到掟得死狗！食到某一个位，叉都叉唔开，唯有又向店员讲，叫佢地注意下⋯⋯佢好好，转头返嚟话换过另一件蛋糕俾我，为食又贪心嘅我换左件pear crumble。pear crumble就普普通通正正常常啦。
总结而言，呢到环境唔错，想悠闲文青一下都可以嚟～不过点菜要小心D，因为各道菜质素参差，建议跟食评点以免中伏。
张贴