皇廷工房點心專門店 (已結業)

约左朋友黎皇廷饮个下午茶，两点左右黎到，过左lunch hour唔多人，一黎就有枱。朋友未到，睇下食咩先，原来有午市套餐，一个主食配一个点心，仲有奶茶咖啡送都系五十几蚊，抵㖞。除左午餐，仲有下午茶餐，菠萝油薯条个啲，哗哗，比预期中多野食呢。最后决定叫几个点心饮下茶倾下偈，先上呢个烧汁酿尖椒，上枱时几香㖞，尖椒一只辣两只唔辣，个人钟意食辣，不过呢啲都系抽奖黎，哈哈。上面系墨鱼滑，好弹牙，加埋甜豉油好好味呢。再黎有蒜蓉虾春卷，个个都钟意香口野嘛。外皮好脆，内馅超热，好香蒜蓉味，啖啖虾胶正㖞。以下蒸点一次过到，即叫即蒸嘛。先食笼皇廷虾饺皇，虾超爽，大大粒好饱满。松露野菌饺如其名呢，好香菌味，食落鲜味回香，正㖞。鹌鹑蛋烧卖又系正，下面的肉好鲜味，蛋绵绵的。仲有豉汁蒸凤爪，呢个有啲失望，一黎唔够汁，二黎凤爪未够淋又未入味，扣分。最后系甜品香滑姜汁糕，好滑又够姜，正。顺便一提，店内用呢款辣椒油，超正，够辣又香！小店收四半，食到三点尾已经无客了，环顾下店内，坐位都唔算少，仲有啲向墙位，自私食都几好吖。