大川滬 (已結業)

同朋友揸车去开土瓜湾, 黎到北帝街揾食, 路过见到"大川沪"好似都唔错, 除咗上海点心小菜, 仲有其他中式小菜, 我地睇中咗有水煮鱼😍就即刻拣咗呢间。睇睇餐牌, 呢度绝对系多元化餐厅, 食物都好多选择, 同朋友仔黎食一定唔会无心水。 首先拣咗上海点心, 即叫即制, 上枱热辣辣, 水准仲几高👍 我地叫咗小笼包同萝卜丝酥饼, 最赞系萝卜丝酥饼, 唔系好多地方可以有得食, 而且萝卜够清甜, 外层做到好酥脆, 正。 小笼包亦做到水准, 皮够薄劲多汤汁。 食上海菜当然要试下担担面, 够多花生酱加埋带有麻辣味红油, 而且份量仲几大碗。睇见有煎蚝饼即时心心眼, 平时食潮州菜最常点, 大大碟, 唔会过多粉, 都有好多蚝仔, 煎得仲好脆。最后仲有今日主角水煮鱼, 原来系用沙巴龙趸啖啖肉, 有朋友唔食得辣所以叫咗少辣, 底层仲有粉条, 好快我地就清哂, 好味👍