御名園

营业中

休息中

呢度有90分钟点心放题，原价$238。星期一至五$148一位再加$12茶钱😍点心种类非常丰富，仲有啲主食，基本上真系抵食！钟意佢呢度嘅点心放题系可以一人份量咁叫，钟意食咩就叫少少，又唔使浪费食物。食几多叫几多，又可以试多啲唔同嘅款式。呢个点心放题每人定量有一粒鲍鱼烧卖及花胶灌汤饺，其他点心、甜品、主食都可以喺放题纸上边任食。我哋叫咗虾饺、烧卖、小笼包。点心全部热辣辣，虾饺面上仲有金箔几靓，而且虾肉爽口；烧卖同小笼包都唔错。前菜拣咗镇江肴肉一片片味道唔错，另外猪手都好食！另外我觉得肠粉几好食，嗌咗虾肠及牛肉肠，每样一条，肠粉好滑。炸物叫咗炸鱿鱼须、炸豆腐粒。推介炸豆腐粒外脆内软。呢度仲有烧鹅濑粉，钟意佢细细碗，真系可以过吓口瘾又唔怕食得太饱，可以试吓其他放题食物。甜品叫咗蛋散。另外想食叉烧，所以散叫咗个叉烧同埋蛏子。蛏子配煎米粉饼，非常特别。90分钟真系好足够，食得好满足。