譽滿點心專門店 (已搬遷) 新店位置

好耐无同婆婆去饮茶，之前因为疫情原因，无去酒楼餐厅食饭，困在家中2个多月，现在疫情无咁严重，我哋决定出去饮一次茶。地点都系去返之前有食过嘅誉满，誉满一向水准都稳定，而且价钱唔贵，算系几抵食。虾饺1笼有4只，皮薄，入面虾肉新鲜爽口，点少少辣椒油最啱我口味。腊味饭婆婆钟意食饭，所以去饮茶都会叫个煲仔饭嚟食，腊味饭嘅腊味唔会过肥，而饭粒好干身，加少少豉油捞嚟食已经好好味。好快就成煲食晒。其他点心都几好，春卷好脆，萝卜糕、叉烧包都保持到水准，应该都会keep住嚟食。