八月小品 (已結業)

星期日横风横雨去饮茶，谂住唔使点等位，点知都系成村人等，好在用左apps令飞排队，去到等一张枱。其他餐厅都应该学下，唔使食客呆等。讲番饮茶既点心，一行四人，食左以下既野：镬仔煎酿三宝有酿青，红尖椒，茄子，豆腐。尖椒同茄子都一贯好味，但豆腐好似雪过龙，好硬同上次食既质感外脆内软唔一样。百花酿鱼肚呢间既鱼肚系出面少有咁大件，配爽口虾胶，好味。柚皮鸭掌柚皮够厚又入味，但鸭掌略有雪味。珍珠鸡馅不多，幸好糯米都有荷叶香。凤爪排骨饭饭粒偏淋，排骨有少少酸味。之前黎食过饭粒分明的，今次质素下降。椒盐鱿鱼须椒盐味okay, 鱿鱼须部份新鲜，部份唔新鲜扣分。椒盐小黄鱼上次食鱼新鲜，外脆内软，今次虽然炸得外皮都脆，但鱼比较腥。马蹄糕马蹄爽甜，糕有黑糖味，唔错。呢间酒楼既点心上台时都好热辣辣，抵赞，但食物质素真系要多控制，先可以保持水准。