蓮香居 (已結業)

称得上旧式茶楼，一定要有点心车推下推下先至合资格，不过一来土地问题，二来唔想D客人坐咁耐，所以基本上都已经好少有推点心车的酒楼可以揾得到了，不过呢一间仍然有，真系要好好珍惜。二楼唔洗加一，所以通常都多D人，为了唔想等咁耐位，决定上3楼，不过都要等15分钟左右先有位。其实都好钟意食虾饺，所以见到一定叫啦，味道唔错，正正常常咁啦。淮山鸡扎真系好耐无见过，其实味道属于一般，不过胜在怀旧下。芋角又系唔多地方食得到，就算食到，都系唔够热，呢度一出机乎即刻比人抢晒，所以喺度食点心真系要眼明手快，耳听八方。焗西米布甸又系一绝，晚饭去就大大盘，午市饮茶就有迷你版，好味。蛋挞仔比想像中好味，新鲜热辣。