走過十萬八千里找到你

营业中

休息中

十万八千里之前已经黎过一次，以打卡餐厅黎讲佢啲野算几好食，食物都好够热，所以就算唔为打卡，都会再黎帮趁。平日lunch time冇晚市咁多人，干花加上壁画，都系有日光嘅时候显得特别靓。佢地有饭、意粉、主菜都有供应，所有食物最平加$45就可以转套餐，跟埋面包、汤同饮品。汤同面包上枱时都系热嘅，唔系暖，系热！面包好软熟，因为够热，所以面包香更突出。餐汤系杂菌忌廉汤，口感顺滑，菌味清香。矶烧鱿鱼筒墨鱼汁意大利饭($148) - 意大利饭有咬口得黎唔会太硬，中间仲夹杂左啲鱿鱼须令口感更丰富，矶烧鱿鱼唔会烧到干柴柴。北海道帆立贝海胆酱扁意粉($178) - 意粉软硬适中，每一条都挂满海胆酱，味道浓郁，上面再放左鲣鱼碎同紫菜。海胆酱系偏杰身，建议尽快食，否则冻左会凝结。帆立贝有两大只，非常大只同厚肉。蜂蜜柚子梳打(跟餐加$55) - 梳打甜度适中，梳打味唔会太重，甜甜地几清新。咖啡莫卡(跟餐加$55) - 朱古力味同咖啡味平衡得啱啱好，有咖啡香又唔会太苦。总结，由面包餐汤到饭面，每一样食物都好够热，食物睇得又食得，价钱同一般打卡cafe差唔多，所以就算打完卡都会有令人回头嘅冲动。