影片
更多
2016-04-29
5022 浏览
请小巴司机指路，最近火炭大排档的站叫我落，佢突然大嗌「玻璃屋落𠮶个到喇」，我完全唔知佢叫紧我，原来火炭人都叫火炭熟食市场「玻璃屋」！行近就明，因为夏天天气热，大排档开咗冷气，挂了很多厚的透明胶布阻止冷气流走，远睇真系似一个灯光火通明的玻璃箱~旧同事早到先点菜，我下坐低已经有得食：蒜茸粉丝蒸蛏子──冷气好猛，我迟到十分钟左右，碟原先热辣辣的蒸蛏子已经吹冻晒，筷子一夹，觉得面头的粉丝有点干硬化，但炸蒜好香好够味~烧乳鸽──唔知系咪又关我迟到事，乳鸽皮咬落唔脆~虾酱炒通菜──两个字：好食！炸豆腐──早听过泰源会送炒面，隔篱枱真系送炒面，但侍应大佬送咗碟炸豆腐畀我哋，咪睇佢外型又大又细鬼五马六，外皮系好脆啰，里面好嫩滑，咬落热腾腾，系四碟𩠌中最出色的一味~要加𩠌，请侍应大佬介绍，佢sell炒蟹，但我食亲蟹都整损嘴，大佬转而sell蒸白鳝，但同行有旧同事唔食鳝，最后我哋点咗避风塘炒虾。避风塘炒虾──辣椒炸蒜等配料劲香劲惹味，但很遗憾，虾肉完全唔入味，想食得有味，麻烦先啜吓虾壳，至剥虾肉食，或者直接夹炸蒜料落虾肉到一齐放入口，咁就有味嘞~冷气劲，愈食愈冻，想叫味热的、湿的嘢食，听见隔篱枱叫蚝仔粥，
行近就明，因为夏天天气热，大排档开咗冷气，挂了很多厚的透明胶布阻止冷气流走，远睇真系似一个灯光火通明的玻璃箱~
旧同事早到先点菜，我下坐低已经有得食：
蒜茸粉丝蒸蛏子──冷气好猛，我迟到十分钟左右，碟原先热辣辣的蒸蛏子已经吹冻晒，筷子一夹，觉得面头的粉丝有点干硬化，但炸蒜好香好够味~
烧乳鸽──唔知系咪又关我迟到事，乳鸽皮咬落唔脆~
虾酱炒通菜──两个字：好食！
炸豆腐──早听过泰源会送炒面，隔篱枱真系送炒面，但侍应大佬送咗碟炸豆腐畀我哋，咪睇佢外型又大又细鬼五马六，外皮系好脆啰，里面好嫩滑，咬落热腾腾，系四碟𩠌中最出色的一味~
要加𩠌，请侍应大佬介绍，佢sell炒蟹，但我食亲蟹都整损嘴，大佬转而sell蒸白鳝，但同行有旧同事唔食鳝，最后我哋点咗避风塘炒虾。
避风塘炒虾──辣椒炸蒜等配料劲香劲惹味，但很遗憾，虾肉完全唔入味，想食得有味，麻烦先啜吓虾壳，至剥虾肉食，或者直接夹炸蒜料落虾肉到一齐放入口，咁就有味嘞~冷气劲，愈食愈冻，想叫味热的、湿的嘢食，听见隔篱枱叫蚝仔粥，我哋又叫。
蚝仔粥──真系「粥」，而唔系预期的潮式汤泡饭式。蚝仔劲多，啖啖都系，但冇应有的鲜甜味，粥底就好绵滑~总结，下次来食，都系叫番镬气小菜好啲。你叫侍应大佬介绍，佢梗系sell海鲜，但泰源的海鲜未见很出色，坚持叫番小炒 e.g.豆豉鲮鱼油墨菜、姜葱煀桶蚝，应该会稳阵啲~
张贴
