Four O Five Coffee & Eatery

营业中

休息中

自从带男朋友在台湾食过疏乎厘pancake 后，他就爱上了，仲叫它做空气饼，成日都话要食，所以我今晚就带佢去食。餐厅位于观塘的工业大厦，环境优雅，地方阔落，有一排排梳化座，坐得几舒服。除咗必有梳乎厘班戟外，仲有其他甜品、意粉、烩饭、肉食、小食、沙律、汤和饮品。无花果虎虾沙律 （$78）啲沙律菜好新鲜清爽，中间有只爽弹嘅虎虾，碟边就有些无花果薄片，淋些柚子醋汁，酸酸甜甜，好开胃。日式千手茄子 （$58）整成一只手，真系好有趣！炸到金黄，热辣辣，外好脆内好腍滑，又有创意又好食。日本和牛肉酱蕃茄意粉 （$118）味道香浓，口感亦不错！香浓嘅牛肉碎挂在意粉上，配上酸咪咪嘅蕃茄，食落去唔觉得漏，好食！男朋友最期待嘅原味疏乎厘配蜂蜜糖浆 （$98）出场啦！满充蛋香，淋或唔淋糖浆都好吃，加埋甜美嘅忌廉、杂莓和香蕉就更滋味，如果𠮶班戟再松软一啲就更正！男朋友要热山政小山园【槙之白】宇治抹茶 （$48），而我就要热山政小山园 【RICH】一番焙茶鲜奶 （$52），两款都是日本茶饮。两杯拉花嘅图都好清晰，仲好靓！两款都好香滑，抺茶就无加糖，啖啖奶香和抹茶甘苦，抹茶控必爱；焙茶味都好香浓，有少少甜，味道刚好