鳴門魚湯麵亭 (已結業)

𩽾𩾌鱼因为见到电视介绍，所以特登走去何文田试下！铺头细细，有bar台同圆台，好彩我同朋友三点几去到，无人所以可以拣位坐！餐牌都几多选择，有乌冬，咖喱等。既然特别为𩽾𩾌鱼而来，我地order左一个石锅𩽾𩾌鱼汤豚肉乌冬同一个石锅𩽾𩾌鱼鲍鱼乌冬。个汤好香鱼味，清甜，𩽾𩾌鱼肉原来好得意，味道有少少好似oak味，鱼肉比较实但唔“鞋“。乌冬锅有粟米，鸡髀菇，冬菇同海带。整体都几好味。不过可能因为石锅的关系，乌冬食食下已经“林“晒。价钱唔平，要$88同$168！不过既然唔系普通外面食到，都ok啦。