新香冰廳餅店

营业中

休息中

成条街越开越多食肆但对呢间茶记似乎无乜影响，依旧咁多人，非繁忙时间都系啱啱有个卡位。望吓餐牌发现食物品种唔多，以烩意粉及汤面为主，早餐几乎无得拣而中午快餐都系得3款，但系门口卖面包个度反而好多款式，可能以卖面包为主。无乜选择之下要咗个好多人赞嘅特餐，有餐肉炒旦、多士、沙嗲牛面同柠茶($23)。餐肉炒旦同多士嚟到系微热，唔系即做，沙嗲牛个汁好浓而D牛肉就唔错无梳打味，面就就OK喇，而杯茶比较淡无茶味。见到有新鲜蛋挞出炉又要番个，蛋桨唔系好甜但D酥皮都几好，不过要成$3.5又似乎贵咗D。整体OK而巳无D老友讲得咁好食，但系D街坊始终都系钟情于茶餐厅，所以仍有生存空间。