影片
更多
2022-08-03
237 浏览
终于去咗bookmark咗好耐嘅愿荣光，因为期间限定嘅「日本静冈皇冠青肉蜜瓜特饮」真系高颜值好吸引😍午后行到爆汗终于揾到牌牌跟指示落去，成日系ig见到隐世乜乜乜，今次终于亲身体会到乜叫隐世🤣推门入去见到啲嘢真系亲切又感慨💛山长水远过嚟又揾咗咁耐，一杯蜜瓜特饮一定唔够啦，于是又加咗一份日式红豆鲷鱼烧😘红豆烧先嚟，因为减肥中其实我系非常guilty，但又无法割舍对红豆嘅爱😂记得上次食红豆烧都差唔多系三年前系日本，过咗咁耐先食一次教练一定唔会话我🙈个筷子托超可爱，不过我都没用筷子直接用手～新鲜出炉热辣辣，外皮酥脆又烟韧，入边满满红豆馅，系我钟意嘅带有少少红豆粒果种，甜度适中几香口，虽然觉得有少少～油🤏不过一人食晒两个真系好幸福😚红豆鲷鱼烧之后冇几耐特饮就嚟啦，同见过嘅post一模一样靓到哇一声😍仲好贴心会俾一只同样好靓嘅樱花碟用嚟摆蜜瓜，方便饮同食。趁热食完红豆烧就开始搓手期待蜜瓜饮，拎走咗蜜瓜净系杯嘢个topping都好靓，有抹茶麻糬干桂花同冰块互相点缀，睇落就好舒服☺️牛乳饮落带有清新蜜瓜香，抹茶麻糬烟韧有咬口（仲有一粒原味完美藏身于中间🤣）本身又攰又爆汗嘅我完全被呢杯嘢治愈咗🥹饮完特饮好
午后行到爆汗终于揾到牌牌跟指示落去，成日系ig见到隐世乜乜乜，今次终于亲身体会到乜叫隐世🤣推门入去见到啲嘢真系亲切又感慨💛
山长水远过嚟又揾咗咁耐，一杯蜜瓜特饮一定唔够啦，于是又加咗一份日式红豆鲷鱼烧😘
红豆烧先嚟，因为减肥中其实我系非常guilty，但又无法割舍对红豆嘅爱😂记得上次食红豆烧都差唔多系三年前系日本，过咗咁耐先食一次教练一定唔会话我🙈个筷子托超可爱，不过我都没用筷子直接用手～新鲜出炉热辣辣，外皮酥脆又烟韧，入边满满红豆馅，系我钟意嘅带有少少红豆粒果种，甜度适中几香口，虽然觉得有少少～油🤏不过一人食晒两个真系好幸福😚
红豆鲷鱼烧之后冇几耐特饮就嚟啦，同见过嘅post一模一样靓到哇一声😍仲好贴心会俾一只同样好靓嘅樱花碟用嚟摆蜜瓜，方便饮同食。
趁热食完红豆烧就开始搓手期待蜜瓜饮，拎走咗蜜瓜净系杯嘢个topping都好靓，有抹茶麻糬干桂花同冰块互相点缀，睇落就好舒服☺️牛乳饮落带有清新蜜瓜香，抹茶麻糬烟韧有咬口（仲有一粒原味完美藏身于中间🤣）本身又攰又爆汗嘅我完全被呢杯嘢治愈咗🥹
饮完特饮好正式？开始食蜜瓜，咬落去又系哇一声🥹又甜又香又多汁，唔系死甜，系甜得好温柔果种，因为肉质细腻，不愧系一树一瓜嘅皇室御用蜜瓜吖，真系好食到头顶放烟花🥹
日式红豆鲷鱼烧 7.0/9
日本静冈皇冠青肉蜜瓜特饮 8.0/9
OVERALL 7.5/9
成件事相当美好，我其实唔系一个会轻易被颜值吸引嘅人🫣同埋而家系好认真减肥中就更加心如止水🙏但系呢杯嘢真系又靓又夏天，叫我无论如何都一定要试🤣
店内各种文宣装饰都好有心思💛虽然时日艰难，但都希望可以继续坚持下去吖🫶
9 浏览
0 赞好
0 留言
14 浏览
0 赞好
0 留言
16 浏览
0 赞好
0 留言
5 浏览
0 赞好
0 留言
张贴
